事情記錄 狂人上場 科技巨頭有排震？

事情記錄 狂人上場　科技巨頭有排震？

感想 一朝天子一朝臣，美國將會進入一個新的世界..

特朗普爆冷當選下任美國總統，今日有外媒特別撰文，話依家硅谷科技界大佬一定有排震無得瞓，因為佢哋之前紛紛落場反對特朗普。當然，大家反對特朗普嘅原因皆因特朗普臭口有關。以下係外媒就統計咗各大科技富豪曾對特朗普發表過嘅毒舌言論，睇過之後，都難怪大家咁怕會有「秋後算帳」！

首先最唔妥特朗普嘅肯定係Apple嘅CEO庫克，雖然佢老哥冇公開反對特朗普，但特朗普宣稱要Apple搬廠返美國，唔搬咁曳就徵收重稅；而且早前因Apple拒絕配合FBI，幫恐怖嫌疑犯嘅iPhone解鎖，特朗普勁嬲豬，叫美國人抵制Apple產品。狗急都會跳牆，庫克唔反特朗普就有鬼囉！

咁facebook朱克伯格點解唔妥特朗普？咪因為種族多元化。特朗普成日掛喺嘴邊：為阻止非法移民進入美國，要喺美國同墨西哥邊境間修建一條萬里圍牆。而特朗普成日攻擊亞馬遜，話貝索斯買《華盛頓郵報》係為咗避稅，搞到貝索斯佛都有火，甚至話佢會喺旗下發展嘅火箭上留番個位俾特朗普。

另外，有一大班硅谷富豪雖然冇以毒舌言論反特朗普，但都講明唔會選佢。邊位？好似微軟蓋茨、Google佩奇、Tesla馬斯克等，依家真係要諗諗點樣「修補關係」。

The article source is from the on.cc and the images are from the Internet.